Emack & Bolio's (已結業)

本身已经好想食呢间嘅雪糕，有一次机缘巧合之下，发现到有两张券。𠮶日就好兴奋咁去咗食，虽然用咗两张券，但系因为加咗雪糕筒嘅部份，好似每人都加咗$15左右。我哋每人叫咗一个口味，谂住夹份食试吓个味道就算，因为太多个口味又要加多$20。我哋试咗佢哋嘅士多啤梨味乳酪雪糕，我觉得几好味，真系好似士多啤梨味乳酪一样，但系更加滑🤤要讲下个雪糕筒，我哋加咗个朱古力米通版，佢用咗好多糖浆加炼奶去到黐埋佢哋，所以十分甜呀！但系一啖雪糕一啖甜筒咁样食口味超夹，再拎住个雪糕喺𠮶度打卡，啲相都好有个性！另外一款好似系咖啡朱古力味，口感和味道都没有太大分别。