富山居 (裝修中)

估唔到大埔街市美食广场呢间日式店舖有露天座位！座位旁边仲要放满左紫色嘅花！下次一定要带埋男朋友过嚟打卡🤣照烧十胜猪扒脆脆猪既然第一次嚟到就梗系要叫佢哋嘅招牌菜嚟试吓，呢款招牌菜都真系令我有啲大开眼界，完全冇谂过一块猪扒可以咁厚切，最神奇嘅系咁厚切但肉质依然好嫩好易咬，而且猪扒两面都煎过好香脆，仲有部份嘅油脂食落劲惹味，包入面仲有煎过嘅洋葱，而烤过嘅猪仔包搽咗少量牛油，令整个包嘅味道层次更丰富❗️食完都真系感受到有饱嘅感觉，换言之份量都唔少，钟意猪扒包嘅你一定要过嚟试吓👍🏼另外仲叫咗一杯冻咖啡，奶同咖啡嘅比例均匀，咖啡味道香浓奶味亦够出，相当唔错相信呢间餐厅绝对可以讨得男朋友欢心🤩