白布烏冬 (荔枝角道) (已結業)

想食想左半年，先揾到机会过黎食，但结果冇想像中特别。一片片的乌冬，望落好似好少，其实好够饱，因为每一片都好厚，我本身想像系同饺子皮咁上下，但更真实的想像系平时乌冬未切成一条条之前的模样🍜乌冬好滑好滑，不过就会有个问题，每片都好有份量，一啖系唔会食得晒一片，要分两三啖，但因为好滑好难夹，一路食又会跌返落碗汤度🙈味道系好食ge，但我叫呢个鸭肉沾乌冬，得3件鸭胸，然后就系大量吸入乌冬，以我一个咁喜欢食乌冬的人，都觉得食到最后有d腻🙈嗯，打下卡就好，可一不可再。