斑蘭

营业中

休息中

今日又同朋友试新嘢，时间有啲尴尬仲有10分钟就过午餐时间，2点就到下午茶，见到午餐餐牌几好，又觉得下午茶好抵食A + B + C组合先至$98（A款小食5拣1 + B款主食8拣1 + C款饮品5拣1），问吓侍应哥哥可唔可以叫下午茶再加午餐，佢话唔可以，因为午餐个餐牌至到2:00就会停止供应，然后转下午茶餐牌，所以我哋决定即刻入去坐低叫咗两个午餐先，然后再等多10分钟到2:00够钟再叫多三个下午茶（样样都想试吓，好彩我哋5个人可以拣多啲款）1）午餐：青咖喱脆炸软壳蟹意大利饭：卖相好靓打卡一流，软壳蟹香脆，青咖喱饭大家都觉得好好食，椰汁味香，我觉得湿身咗啲2）午餐：香辣金不换松露惹菌炒意大利面（素）：系有少少辣嘅，黑松露都惹味，味道唔错3）槟城古法大虾炒贵刁：卖相OK，味道系可以嘅，但系食落似干炒牛河，有两只虾新鲜加返分4）巴东牛肉饭配脆皮鸡卷：卖相一般，但系又几好食㖞，我钟意呢个饭多啲好香5）无骨海南鸡喇沙掺掺：好食好香，因为成枱都系嘢食，我哋放咗一阵间先食，都冇话浸到腍晒，份量都几大5个人都有食到6）越南传统炸春卷：一般正常嘅炸春卷7）牛油果酱法包配蕃茄莎莎：清清地都几好，放到最后食个