影片
更多
2022-03-01
2426 浏览
星期六去咗将军澳Donki入货同食晏，我哋帮衬咗「Seoulmate」。如果我无记错的话，当年佢喺西营盘第三街开业𠮶阵，我已经系座上客，今时今日佢转战嚟到新社区☺️。由于时间尚早，未有太多客人，所以我哋有机会坐打卡位🎠：千秋櫈。虽然坐喺度食嘢就唔系好啱位，但其他时间可以脚仔揈揈(fing fing)好开心，Chill到爆。餐厅周末有提供早等于午套餐Brunch Menu🤣，价钱由$78至$138不等，包果茶一杯，定价都算OK。韩式酱油烧腩肉配糖心蛋($88)，呢道菜式味道绝对无问题，问题在于我唔知佢原来系盖饭嚟🍚🤪。我睇菜名仲以为系一嚿烧猪腩，再配沙律菜𠮶类。盖饭大大碗，𩠌料丰富，包括有🐷猪腩片、糖心蛋、泡菜、紫菜、海带、红萝卜同芽菜等。餐饮我要咗冻红枣茶，正正常常吧，如果嗌特饮就可享减$20优惠。乌卒卒火山忌廉蟹肉蘑菇饭($158)，老实讲嗌佢主要系被佢咁可爱嘅造型所吸引😍。火山嬲爆爆嘅样子被震怒，所以流出蛋黄熔岩。外层其实系由蛋白打泡而成，本身无乜味的；而入面就系炒饭，原本仲以为系意式炖饭Risotto添。炒饭满有惊喜，珍珠米粒粒分明，而且估唔到每啖都食得到蟹肉🦀，另外亦有好多菇菇🍄
星期六去咗将军澳Donki入货同食晏，我哋帮衬咗「Seoulmate」。如果我无记错的话，当年佢喺西营盘第三街开业𠮶阵，我已经系座上客，今时今日佢转战嚟到新社区☺️。
由于时间尚早，未有太多客人，所以我哋有机会坐打卡位🎠：千秋櫈。虽然坐喺度食嘢就唔系好啱位，但其他时间可以脚仔揈揈(fing fing)好开心，Chill到爆。
餐厅周末有提供早等于午套餐Brunch Menu🤣，价钱由$78至$138不等，包果茶一杯，定价都算OK。
韩式酱油烧腩肉配糖心蛋($88)，呢道菜式味道绝对无问题，问题在于我唔知佢原来系盖饭嚟🍚🤪。我睇菜名仲以为系一嚿烧猪腩，再配沙律菜𠮶类。盖饭大大碗，𩠌料丰富，包括有🐷猪腩片、糖心蛋、泡菜、紫菜、海带、红萝卜同芽菜等。餐饮我要咗冻红枣茶，正正常常吧，如果嗌特饮就可享减$20优惠。
乌卒卒火山忌廉蟹肉蘑菇饭
$158
68 浏览
0 赞好
0 留言
乌卒卒火山忌廉蟹肉蘑菇饭($158)，老实讲嗌佢主要系被佢咁可爱嘅造型所吸引😍。火山嬲爆爆嘅样子被震怒，所以流出蛋黄熔岩。外层其实系由蛋白打泡而成，本身无乜味的；而入面就系炒饭，原本仲以为系意式炖饭Risotto添。炒饭满有惊喜，珍珠米粒粒分明，而且估唔到每啖都食得到蟹肉🦀，另外亦有好多菇菇🍄。
软心芝士梳乎厘班戟
$108
34 浏览
0 赞好
0 留言
软心芝士梳乎厘班戟($108)，呢个甜品制作需时，即叫即整约25分钟🔥。班戟大大个，用煎Pan装住，目测直径有成6吋。🥞班戟好浓蛋香，即使系梳乎厘，但口感唔会过湿，或者似阵风，而中间更加入咗软心芝士🧀，好好食呢。伴旁有士多啤梨、枫糖同蜂蜜脆脆，我认为就咁食抑或加埋一齐食都同样正！
韩国米酒意式芝士蛋糕($58)，佢系韩式版嘅提拉米苏Tiramisu☕️，味道尚算正宗。马斯卡邦芝士口感细滑，手指饼索汁，但如果咖啡味再浓啲就好，另外亦略嫌甜咗少少。
总括嚟讲，呢间打卡韩式Cafe唔错☁️📸🇰🇷，菜式设计特别，卖相别出心裁。我仲有好多其他食物想试，有机会嚟开会再帮衬啊。
张贴
