Terrace in seaside (海運大廈)

营业中

休息中

呢间连锁嘅韩式咖啡店主打多款创意韩国美食，前菜、小食、主食、甜点、饮品样样有齐，主要以柑橘为主题，连店员嘅头上都有一粒柑超级无敌可爱😛 店内装潢简约，环境唔大，食物价格合理，地点方便，适合约闺蜜嚟聚餐。餐厅有个挑战活动，只要点「少少芝士黑松露油薯条」及 Follow 社交平台就可以参与游戏。有15秒刨芝士，若能将所有芝士铺满整碟薯条即可以免费换领「绿雪奶盖圣诞西柚绿茶」一杯！薯条香脆可口，新鲜热辣辣，值得一试。主食有韩式奶油排骨锅，有原味或辣味，奶油滑顺，排骨大块多肉，仲有粉丝、年糕、萝卜同薯仔，若有埋碗白饭捞仲正，冬天必叫。另有粒粒八爪鱼意大利炖饭，酱汁完美地融合喺炖饭入面，香气四溢，八爪鱼Q弹爽口，鲜甜入味，色香味俱全。甜点有不会爬烟囱的圣诞老人朱古力窝夫，个名好长，充满圣诞气氛，少女心爆发，打卡一流，Waffle外脆内软，散发著淡淡嘅朱古力味，比想像中出，另搭配邪恶Cream，可按个人喜好加。饮品铺上厚厚一层嘅奶盖，饮落清新，解腻。