影片
更多
2015-07-26
508 浏览
好坦白纯粹去打卡一次，应该唔会食第二次。首先黎左两杯饮品，紫色既玛莉莲梦露好梦幻，不过好甜⋯⋯热既水果茶一般，我估系玫瑰茶加左糖水，再切啲生果装饰一下。但我唔期望堂食都要用纸杯饮，杯饮品都要$25，点解要用纸杯？无乜诚意呀⋯⋯第一样黎既食物系蛋挞，已经微凉。落单时店员话有新既焗紧，咁好明显我食紧旧𠮶批⋯⋯燕窝推埋左一边，又系图片只供参考啲friend⋯食落微凉，蛋馅有啲硬，曲奇皮无乜香味，真系一般⋯⋯⋯冬菇包、猪仔奶皇包同虾饺一齐黎。冬菇包造型真系好打耳！面头系可可粉，有少少苦苦地。咬开个包有好香既菇味，好食。个包口感几软熟，唔错！猪仔奶皇包，系一众食市都做流心奶皇包下，我都期望佢流流地。为左测试，我特登用筷子叉佢个鼻哥窿，再禁佢，希望佢会有黄色既鼻涕流出黎。结果系⋯⋯无既！有啲失望，咬开个包，其实啲奶皇琼琼地，而且甜左少少。虾饺，皮唔算薄，不过都唔系厚。馅料都几多，过关！再黎既系鲍鱼烧卖，同图片有些少出入，啲鲍鱼无咁靓仔吖下！不过粒烧卖入面有3只虾，仲好大粒，ok！但我其实仲有叫xo酱凤爪同黑蒜蒸排骨，但等左一个钟都未黎所以决定唔再等。系嗌服务员既时侯，好大声咁嗌左两次都无人应。有一
首先黎左两杯饮品，紫色既玛莉莲梦露好梦幻，不过好甜⋯⋯热既水果茶一般，我估系玫瑰茶加左糖水，再切啲生果装饰一下。但我唔期望堂食都要用纸杯饮，杯饮品都要$25，点解要用纸杯？无乜诚意呀⋯⋯
第一样黎既食物系蛋挞，已经微凉。落单时店员话有新既焗紧，咁好明显我食紧旧𠮶批⋯⋯燕窝推埋左一边，又系图片只供参考啲friend⋯食落微凉，蛋馅有啲硬，曲奇皮无乜香味，真系一般⋯⋯⋯
冬菇包、猪仔奶皇包同虾饺一齐黎。冬菇包造型真系好打耳！面头系可可粉，有少少苦苦地。咬开个包有好香既菇味，好食。个包口感几软熟，唔错！
猪仔奶皇包，系一众食市都做流心奶皇包下，我都期望佢流流地。为左测试，我特登用筷子叉佢个鼻哥窿，再禁佢，希望佢会有黄色既鼻涕流出黎。结果系⋯⋯无既！有啲失望，咬开个包，其实啲奶皇琼琼地，而且甜左少少。
虾饺，皮唔算薄，不过都唔系厚。馅料都几多，过关！
再黎既系鲍鱼烧卖，同图片有些少出入，啲鲍鱼无咁靓仔吖下！不过粒烧卖入面有3只虾，仲好大粒，ok！
但我其实仲有叫xo酱凤爪同黑蒜蒸排骨，但等左一个钟都未黎所以决定唔再等。系嗌服务员既时侯，好大声咁嗌左两次都无人应。有一位服务员饮紧水，一位企系到唔知做乜，最后有一位行埋去倾计。咁我就长叹一声：唔该～～～～～～～～～终于有人应我啦（好欢喜的说）表达左两样野食都未黎之后，楼面同厨房嗌交。其实嗌咩啫，发现唔妥应该解决左个问题，之后先检讨吖。个客仲系到，而且有咁多台客听住你地嘈，真系你眼望我眼—即系点？
P先生决定唔等，起身埋单啦连一早划好准备加单既甜心柠檬批同粒粒果仁苹果挞都无得叫了⋯⋯⋯
难得住系附近，一心捧下若希场。P先生话：代言人咋嘛！又唔系佢开～
以为可以留一个愉快既用餐经验添⋯⋯虽然一早觉得唔太抵食，但试过食过一次都满足吖。依家就觉得失望多啲⋯⋯
后记：对于我同P先生都算系大胃王，食完点心玛莉仲系好肚饿，于是再去另一间点心店再食过⋯⋯⋯
张贴
