稻埕飯店 (V Point) (已結業)

今日同朋友去食好嘢，去咗铜锣湾嘅稻埕饭店。一入铺头，比好靓嘅环境吸引，有几棵粉红色嘅树，好特别呀，啱晒打卡。睇menu见d菜色好特别，好多都未试过，叫咗嚟试下。前菜系话梅小山药，系个冷盘，酸酸地，好开胃呀。白卤水九孔鲍鱼，第一次食卤水煮，又几好味㖞。下面仲垫咁片好似甜不辣嘅嘢，吸左鲍鱼嘅鲜味，好好味呀！蟹肉蛋白泡泡脆米金汤 ，个汤好好饮，好足料。泡泡口感好滑，好似食紧棉花糖咁呀。盐酥波士顿龙虾脆角豆金瓜，入面每样食物都系脆脆嘅口感，南瓜片都系脆卜卜，好似薯片，配cocktail好夹！黑松露鲜百合花真系好特别，未试过百合花嘅菜式。个忌廉汁同黑松路味好正好浓郁😍铁板香煎一口鹅肝牛小排 ，啖啖肉，牛肉多汁，完全唔韧，好够镬气！野饮叫左d打卡cocktail, 真心靓！有盏灯放入去，会变颜色，影相靓靓。味道都唔错。