ATUM Restaurant (已結業)

上上下网睇到佢八月尾休业，即刻冲嚟写返个道别食评。上次平日17:30 high tea无乜其他食客，成个场得两台，今次明显多返人，可能大家都嚟say bye bye🥹人手一如既往好足够，服务依然好，侍应好友善，所有野食上台都有简单介绍一下。不过窗边位坐落同隔离台有啲近，几乎可以一齐倾计，拎住大袋出入唔方便。讲返正题，艺术餐厅，野食、餐具当然都好靓。餐包配黑胡椒牛油海鲜拼盘二人size最出色系爱尔兰生蚝，新鲜爽口，配白酒啫喱同水果雪葩，味道好夹。蛏子、带子、鱼子、三文鱼、鹅肝，合格有余。酱料都好用心，乳酪汁有唔同味，橄榄油粉简直系锦上添花，但虾就唔太新鲜，虾味唔出，口感有少少霉，蟹肉亦都普通。咸蛋黄莴笋蟹肉特飞面最令我惊喜系呢个意粉，特飞面系香港唔算常见，我每次揾餐厅都要睇睇有无。特飞面口感比较弹牙烟韧，表面比较粗糙所以好挂汁。意粉睇落细份但实心，酱汁浓稠，两个人食都够饱。略嫌咸蛋黄味唔够出，同埋真系太杰。65%朱古力奶奶味唔出，偏甜，不过不失。竹炭朱古力雪糕朱古力味好浓，但份量好细，唔够两个人食，配料麻麻。