咖啡灣 (粉嶺中心) (已結業)

喺粉岭中心做完野，于是等同老公一齐食饭嘅时候，发现原来而家粉岭都有一间咖啡湾，之前去过荃湾𠮶间，已经好喜欢。呢间嘅环境好靓好梦幻，有好多唔同既摆设及装饰，以粉红，粉蓝，粉绿呢d少女颜色造櫈，靓到不得了，岩晒打卡🤳。食物有好多选择，有小食，主食，唔同嘅靓靓饮品同埋甜品。真系可以同班frd可以慢慢食慢慢chill😚UFO小食拼盘，有薯条，炸得很香口。鸡翼有两款味道，一款微辣，另一款有玫块糖浆，入口前觉得个配搭有d怪，但食落口好香玫瑰味，甜甜地似蜜糖，两款都好食。炸鱼块，系金黄色嘅鱼块，外脆内软，鱼肉细嫩，似酒楼嘅椒盐九肚鱼。炸紫薯波几好食，里面好香紫薯味，唔会太甜，质感软身。炸墨鱼仔，炸浆薄薄的，墨鱼新鲜爽口唔韧。铁板鸡扒蕃茄酱汁烩意大利面，鸡扒肉嫩多汁。浓浓嘅蕃茄汁，味道够酸，清新又好开胃。意粉面质弹牙有咬口，伴入蘑菇和洋葱，丰富口感。夏威夷果汁酱烧猪肋骨，面铺满酱汁，有d热情果嘅果汁味，酸酸甜甜，同平时食嘅BBQ酱一样好惹味，不过少左辣味。猪肋骨大约有7条，肉质鲜嫩入味而且够腍，轻轻一切已经骨肉分离。呢度饮品种类多，有花茶，水果茶，超级靓嘅rainbow latte☕画左可爱嘅卡通人物