KABOOM

今次食泰国菜想揾间打卡餐厅？呢间就最啱啦 无论室内或室外都饱览到维港海景D Cocktail 🍹都整得好靓// KABOOM Sharing Platter $248 //呢个小食拼盘好丰富，一共有五款泰式小食，分别有单骨鸡翼、泰式春卷、泰式鱼饼、虾枣同埋泰式猪肉串，每款都有四件。当中我最钟意泰式猪肉串，烤到好香，肉质亦好滑溜弹牙。// Focaccia with Mussels $108 //呢款小食系将青口放喺烘到好香脆嘅多士上面，一份共有四件。青口口感软腍弹牙，鲜味十足，同多士口感一脆一软，好有层次，再加埋秘制冬阴功酱调味，真系好好味。// Thai Lobster Sauce Strozzapreti Pasta with Lobster Tail $268 //意粉嘅熟度煮得恰到好处，口感好软腍弹牙，每一条意粉都挂到龙虾汁，非常惹味。龙虾烤完之后肉质好实正好弹牙，味道鲜甜，再加埋杂菌同埋车厘茄落去一齐炒，好味得嚟又健康。// Grilled Gai Yang Chicken $238 //原只鸡切开一半以烧烤嘅形式烹调，外皮烧到好香脆，内里嘅肉质嫩滑多汁，好味到停唔到口。仲有