404 Plant (已結業)

貌似洗衣店嘅一间小店，好多特色嘅食物Bagel嘅款式都好多款，有咸有甜，任君选择。本身我对bagel既好感麻麻哋，因为我食过一啲硬骨骨唔好食嘅bagel,但呢度好多款式我俾多次机会佢，因为佢有我最爱嘅牛油果🥑双重牛油果bagel $80入面有好多嘅牛油果，仲有牛油果酱，车厘茄同埋生菜，仲有啲辣粉，冇谂过辣粉同牛油果都夹。成个配搭好清新，又唔会话好青味。啱晒我呢啲牛油果迷。最重要佢bagel唔会系韧，几好既。焦糖饼干麻薯窝夫🧇 $85我想讲呢个窝夫真系出色，同我想像中有啲唔同，开头以为佢嘅窝夫系外脆内软，放一阵会淋果啲。除咗个卖相几好，个味唔会好甜，最紧要佢个窝夫系劲脆，麻薯唔太甜又烟韧，十分满意。旁边仲有啲蓝妹同埋玉桂苹果，真系好满意呀。焦糖芝士蛋糕奶昔 $65奶昔饮得多，焦糖味嘅奶昔都饮过，但有埋芝士蛋糕嘅就真系第一次。饮落去饼干味比较重，但唔会因为焦糖而令到个奶昔好甜，口感几好。舖头打卡位好多，啱晒我呢啲港女去。舖头两层，位置唔算话好多，但系一直keep住坐满。佢啲食物真系唔错，最紧要真系唔会过甜，款式又多，店员仲好客气。