影片
更多
2023-01-02
41 浏览
之前见过依间cafe可以打印自己想要嘅相落去杯咖啡度已经想试, 适逢咁啱去开K11, 就谂住同朋友去食下。餐厅真系非常啱打卡, 而且放咗啲艺术品product可以睇吓。我哋系圣诞节期间嚟，见餐厅都推出咗个圣诞套餐($328)，有得拣日本和牛西冷同埋波士顿龙虾两个选择，见佢wagyu steak系推介，毫不犹豫就拣咗。套餐仲有包个餐汤同埋饮品。是日餐汤系蕃茄汤，估唔到都有惊喜，因为佢入边嘅面包有用橄榄油轻轻焗过嘅口感同味道，而且蕃茄汤嘅蕃茄味非常之新鲜，浓度ok，饮落非常之开胃。朋友怕食太生所以我哋叫咗七成熟。即使系七成熟，切开入边都仲系微红，入口feel到脂肪部份溶化嘅感觉，牛味香浓，食落都唔会好韧。旁边有啲芥末mustard酱同味盐点下和牛。配菜方面有啲烤南瓜、车厘茄、同埋青瓜。其中日本南瓜都几软绵入味，其他配菜都可以解下肥腻嘅感觉。橄榄油炒墨鱼汁意粉配带子($188)摆碟好有心思，中间放咗啲食用花朵，好啱打卡。带子竟然有五粒咁多，而且粒粒都好嫩滑饱满。意粉用咗蒜片、辣椒、橄榄油同埋黑椒调味，即使调味简单，味道都唔错的。套餐再加$48, 点咗一杯招牌嘅打印咖啡, 可以自选图像. 咁啱
餐厅真系非常啱打卡, 而且放咗啲艺术品product可以睇吓。
我哋系圣诞节期间嚟，见餐厅都推出咗个圣诞套餐($328)，有得拣日本和牛西冷同埋波士顿龙虾两个选择，见佢wagyu steak系推介，毫不犹豫就拣咗。套餐仲有包个餐汤同埋饮品。
是日餐汤系蕃茄汤，估唔到都有惊喜，因为佢入边嘅面包有用橄榄油轻轻焗过嘅口感同味道，而且蕃茄汤嘅蕃茄味非常之新鲜，浓度ok，饮落非常之开胃。
朋友怕食太生所以我哋叫咗七成熟。即使系七成熟，切开入边都仲系微红，入口feel到脂肪部份溶化嘅感觉，牛味香浓，食落都唔会好韧。旁边有啲芥末mustard酱同味盐点下和牛。
配菜方面有啲烤南瓜、车厘茄、同埋青瓜。其中日本南瓜都几软绵入味，其他配菜都可以解下肥腻嘅感觉。
橄榄油炒墨鱼汁意粉配带子($188)
摆碟好有心思，中间放咗啲食用花朵，好啱打卡。带子竟然有五粒咁多，而且粒粒都好嫩滑饱满。
意粉用咗蒜片、辣椒、橄榄油同埋黑椒调味，即使调味简单，味道都唔错的。
套餐再加$48, 点咗一杯招牌嘅打印咖啡, 可以自选图像. 咁啱圣诞节我哋就拣咗一幅有圣诞树嘅图片, 印出嚟都算清楚同颜色鲜艳。饮品个底我哋叫咗朱古力，味道浓郁，上边打印嘅部份其实都系cream，叫做见识过咩系图片打印咖啡啦。
张贴
