THE PONT (已結業)

朋友提议食呢间cafe先知道原来发型屋入面系仲有间餐厅，原谅我嘅孤陋寡闻🙈🙈🙈🙈🍴 小食拼盘- 泰式蜜糖辣肉肠：成个拼盘最好食系佢，泰式风味重，辣辣地，似冬荫公味道- 马苏里拉芝士条：够热够脆，食落芝士有拉丝效果🧀- 辣脆鸡翼：单骨鸡翼，只味似快餐店而且够香脆，如果有泰式辣酱提供就更好😆- 泰式辣肉墨西哥脆脆：脆脆似超市墨西哥薯片，泰式辣肉比较少，好多脆脆都点唔到个酱，失色咗啲🍝 松露忌廉牛肝菌意大利粉松露香气好出，一路食一路都闻到，酱汁足够可以挂满每条意粉。🍾白酒煮蓝青口青口食落无沙，煮得啱啱好，唔会过熟变韧，再配咗两块面包俾你点汁，但无咩特别🙈🍝 龙虾汁大虾蚬意大利粉意粉软硬适中，龙虾汁食唔出有龙虾味，比较淡口，大虾食落爽口。🥗烤牛腹肉配牛油果酱（16安士)牛腹肉份量都多但比较少脂肪所以偏韧同无咩牛味🙈整体餐厅坐得舒服，好多位置适合打卡影相，食物正常但无特别记忆点。