404 Plant (已結業)

香港并唔多专饮milkshake嘅地方，好似嚟嚟去去都系𠮶几间，咁啱有次食完晏经过依间小店话有milkshake, 就几钱都试下！入到去一心谂住饮士多啤梨milkshake, 但佢话只系入咗曲奇味雪糕，可能要下个月先有士多啤梨味....我纠结咗阵结果都系想试下，所以曲奇味都照要！等嘅时间比较耐，收银店员要入返去厨房一齐帮手整，结果舖头有几个客人想嗌外卖都要等一段时间。间舖头比较窄，但好有美国潮玩嘅感觉，好适合打卡，好特别。但杯嘢饮到手嘅时候都有啲失望，因为偏细杯。第一啖饮落去好浓郁，好明显系啖啖雪糕打出嚟嘅奶昔。但饮咗半杯开始觉得有啲过甜，唔系好饮到落去。唔知关唔关冰同雪糕嘅比例事。