聚聚 (已結業)

家人生日先食饭，谂住带老人家食好啲，因为贪佢位置坐得舒服，茶式精致。我地点了几味𩠌，由于我唔系属于相机食先既人，所以我冇影相，但系想讲，影出黎既一定系好靓。我叫左荔枝蕃茄仔和皮蛋小食，每碟48蚊，但份量好少，皮蛋其实等如普通皮蛋酸姜，只系上盘较为精致。另外点了酸菜鱼，咕噜肉，叉烧牛，冰糖揽角肉排和菠萝炒饭。。想重申一次，呢几碟𩠌上枱真系好靓好精致，味道也不太差，但唔算系非常好食，例如，酸菜鱼味道普通，唔系太特别，收98蚊，不过不失。叉烧牛系叉烧味既牛肉，老实讲其实不太夹，而且牛肉好多根，老人家跟本咬唔开，肉排多骨小肉，味道ok既，但老人家咬唔到，所以我地先再叫多碟咕噜肉，全晚最好食既就系呢碟咕噜肉，好采有嗌呢味𩠌，否则全晚就冇亮点了。至于菠萝炒饭没有菠萝，似乎系菠萝炒饭既通病，而且𥚃面只得一两只虾，冇乜料，但上枱就搞好多花神，影相打咭系一流既。最后，我地仲点了一碟上汤浸菜，普普通通菜一碟啦。总结系，呢间聚聚适合一班后生黎打咭，唔太适合同老人家黎，怪唔之个名叫gathering🤣🤣争啲忘了讲，我夜晚返到屋企成晚好颈渴，饮好多水都唔得，证明佢地落好多味精🙄🙄