Mamaday Studio (已結業)

一直知道好多人嚟打咭 去开佐敦顺便嚟试下佢嘅咖啡 由门口开始一直行到楼上 成间舖嘅装修真心系好有特式嘅今次试咗两杯signature▫️豆腐豆腐咖啡面头有豆腐雪糕 而咖啡入面都有好碎好碎嘅豆腐 开头都以为个配搭好奇怪 但原来豆腐同咖啡都可以好夹 而且个口感都好滑▪️海盐焦糖咖啡应该系我目前饮过最好味嘅海盐焦糖咖啡 海盐味道好突出 同焦糖呼应得好好💖本身想试埋cake 不过当日cake嘅款式好普通 所以无兴趣咖啡真系ok嘅 不过个人嚟讲就唔会再去 放假同朋友出嚟hea 目的系又relax又chill咁静静倾下计 但系太多人专程嚟打咭 个个走嚟走去其实真系令人好烦燥 另外店入面有猫嘅 好细只 目测未够半岁 见到大家都好开心 佢本身自己行嚟行去周围闻下 突然间有个女仔冲嚟抱起佢带佢去另一层 我想讲：猫系动物 大家可以帮佢影相 但并唔系比你地打咭 更唔系比你安排佢去边度就去边度 佢好地地自己行嚟行去 点解要夹硬抱走佢?而店主如果你有缘睇到呢个post 希望你可以谂下如果贵店太忙 未有足够人手去睇住猫猫嘅 应该认真谂下是否适合放猫喺舖