大飯糖甜品小食屋 (已搬遷) 新店位置

大饭糖真系不得不赞，令到我差唔多每个礼拜都会黎食糖水，因为有中式同中西式甜品，又可以加好多配料，上菜快，份量适中，价钱合理今次就同大家介绍下我比较中意食嘅几款糖水。灰姑娘，有芝麻糊、西米露、小丸子、芝麻雪糕，特别要提小丸子，因为烟烟韧韧好有好感，芝麻糊同西米露捞埋真系好似灰姑娘咁XD紫霞仙子，有紫米露、西米露、小丸子、香芋雪糕，真系好香~芒果河粉，依度嘅芒果又多又大旧又甜，河粉又厚又长又重椰子味，两个夹埋就系绝配。朱古力天堂，上面系朱古力软雪糕，下面有红豆粒、小丸子、朱古力脆卜卜，最底系超浓嘅朱古力奶冻，溶咗嘅雪糕同下面一齐食就系好正~听闻会系沙田开分店，大家一定要试下。