Bello Dining (已搬遷) 新店位置

最近行经系天水围新开既天一商城，发现里面有好多唔同种类既餐厅，而呢间Bello Dining可讲系特别出众。一黎商场附近少呢种cafe，可以俾三五知己坐低聚下旧，食下野，倾下计；二黎佢既食物款式算多，味道唔错，价钱合理，叫几份share好着数。芝士吞拿鱼焗薯皮，芝士可以拉成丝，mix埋浓郁既吞拿鱼同薯茸，大大啖咬落去，非常滋味。香脆流心芝士条，名副其实地，芝士系流心既，，第一啖直接咬，外面炸到脆卜卜，入面就好幼滑，第二啖蘸上千岛酱，又系另一番享受。忌廉吞拿鱼长通粉，叫呢份系有少少失策既，因为吞拿鱼同之前焗薯皮既系一样既，只系呢个有汁，冇咁「杰」，不过长通粉煮得几好，我地都钟意少少软既。香辣烤鸡薄饼，冇想像中咁辣，同埋鸡肉粒少咗d，但系芝士同蕃茄酱就好足料。经典汉堡配薯条，牛肉汉堡整得唔系咁均匀，因为切开之后我分到既果份，特别多胡椒粒，虽然辣，但咬落肉汁多，加埋配菜系好食既。