影片
更多
2010-08-11
462 浏览
今次打孖为两位8月份生日嘅朋友庆祝。我负责出 e-mail 俾廿几个朋友，另外，好识食果位朋友建议嚟呢度食。点知出 e-mail 之后，无咩人覆，搅到我无哂心情！起初，我听到<宁波旅港同乡会>呢个名，我以为系私人会所，原来系间酒楼！食上海及宁波菜。一上到去，见到门口注明 "会员专用"。咁啱我个朋友正系会员！当晚所有食物由佢发板！我哋 5 个人，叫咗：1) 素鹅拼猪手呢味前菜，系一冷一热。热嘅系素鹅，而猪手系冻食！两者同样要蘸醋，前者蘸黑醋，后者蘸醋。我梗系趁热先食素鹅啦！腐皮煎得金黄色，略带些硬身，入面包咗磨菇丝，味道算唔错！至于猪手，十分滑，一夹嘅时候先跌落枱，再夹就＂扑＂一声跌落碗醋到，真失礼！ 结果，嚿猪手浸完醋 SPA ，我才可品尝一番！本身雪过之后够爽身、几弹牙同入哂味！2) 乌笋海蜇头呢个餐前小食！虽然卖相不错， 但味道淡了一点；如果加埋麻油就更好味！海蜇头晶莹剔透、比一般条状海蜇更有口感，很爽口！唯独无咗一点烟韧。乌笋颜色似西芹，食起嚟似青瓜咁爽！我都喺第一次食乌笋，感觉清新！3) 糟溜鱼片咁多味菜，我最钟意食呢个。 以花雕酒做芡汁，甜甜地仍不失酒味。就算
起初，我听到<宁波旅港同乡会>呢个名，我以为系私人会所，原来系间酒楼！食上海及宁波菜。
一上到去，见到门口注明 "会员专用"。咁啱我个朋友正系会员！当晚所有食物由佢发板！
我哋 5 个人，叫咗：
1) 素鹅拼猪手
呢味前菜，系一冷一热。热嘅系素鹅，而猪手系冻食！两者同样要蘸醋，前者蘸黑醋，后者蘸醋。我梗系趁热先食素鹅啦！腐皮煎得金黄色，略带些硬身，入面包咗磨菇丝，味道算唔错！至于猪手，十分滑，一夹嘅时候先跌落枱，再夹就＂扑＂一声跌落碗醋到，真失礼！ 结果，嚿猪手浸完醋 SPA ，我才可品尝一番！本身雪过之后够爽身、几弹牙同入哂味！
2) 乌笋海蜇头
呢个餐前小食！虽然卖相不错， 但味道淡了一点；如果加埋麻油就更好味！海蜇头晶莹剔透、比一般条状海蜇更有口感，很爽口！唯独无咗一点烟韧。乌笋颜色似西芹，食起嚟似青瓜咁爽！我都喺第一次食乌笋，感觉清新！
3) 糟溜鱼片
咁多味菜，我最钟意食呢个。 以花雕酒做芡汁，甜甜地仍不失酒味。就算我唔饮酒，都接受到。几块黑色木耳垫底，面头好多鱼片，黑白分明！鱼片够滑又唔腥，而且唔会一夹就散，但系大家食极都食唔出系咩鱼嘞！相信唔会系班片啦！边有咁 so 呀！
4) 豆瓣苋菜
听到豆瓣，以为同豆瓣酱有关！原来系剥咗壳嘅新鲜蚕豆与蒜头炒苋菜。呢个配搭出嚟效果唔差㖞！都几香，睇真啲，油咗少少！苋菜同埋蚕豆软身又够腍，对钟意食清淡嘅朋友，确实系一个唔错嘅选择！
5) 鸡火干丝
以材料简称取其名：「鸡」丝、金华「火」腿丝、豆腐「干丝」，仲有白菜。相信最考功夫非呢道菜莫属！豆腐干砌得超幼细，金华火腿丝亦唔例外。以金华火腿嘅咸味渗入豆腐干，惹味非常！白菜入味不在话下，加上够哂多汁，如果𩠌饭真系一流！可惜，我哋连粉面饭都无叫到！至于鸡丝比较欠奉，得几条仔，仲要唔系手撕鸡丝，系细细条半透嘅鸡柳丝。
6) 家常饼
大家当系葱油饼，因为入面有好多葱粒，仲有芝麻好均匀舖满面头。刚刚煎起热辣辣，未食已经闻到好香，香脆得嚟够松化，真系食得好滋味。不过，经高温油煎，索咗唔少油，实在太饱馏！ 我食咗一块已经投降！剩余三块，不得不让给三位男士食！
7) 炸银丝卷
银丝卷炸得金黄，砌开 4 件。虽然我好想食，都系让俾佢哋食！大家起码可以一人一件唔使争！
8) 炸汤圆
起初以为用面包糠包住汤圆攞去炸！反而系汤圆面包住白芝麻去炸！外表炸得金黄，卖相好似煎堆。名不副实外脆内软！入面系热辣辣嘅流心黑芝麻蓉。 怪不知个朋友好细心 remind 大家，食到中间小心烫口！
其实，呢度都坐得几舒服，唔会觉得迫！
埋咗单，听见朋友 06 年嘅会员费$20，系永久会员；问吓而家会员费几钱？已经飙升至$100，岂不是每年加$20？！
张贴
