影片
更多
2011-04-18
571 浏览
鹿鸣春系Cobi爸同我经常想去啲饭店，但每次得到啲答覆都系「满座」，得知有位朋友仔系熟客，一订就有位^^，朋友仔话原来鹿鸣春一定会留番2-3张后备枱，万一有熟客黎到都一定有枱㖞，不过都要成个星期前订位，我就话之佢，总之有得食！Cobi爸一早就order左酒糟鸭肝同锅烧肘子，而鹿鸣春食啲系传统京菜，最为人熟悉啲一定系烤鸭，不过呢样就唔洗订，一定有，其他食物都系即时叫啲。6:30pm就坐定定，倾下计、再望下餐牌，order完食物之后差不多已经7:00pm，再望一望餐厅内，已经坐左7成人，场面真系好热闹。烟熏素鹅打头阵的是烟熏素鹅，用腐皮包著甘笋、冬菇等配料而成，有淡淡啲烟熏香味，腐皮软熟得黎带点烟韧，而且香口滑溜，内里馅料啲刀功亦见精细，完全同出面用油炸过啲素鹅冇得比，非常出色！和尚戴帽唔知系乜，见老店员热诚推介，不防一试。上枱后眼见一块煎到金黄色啲蛋皮，内里还有肉丝(听个名以为系素食)、甘笋丝、云耳、笋丝、粉丝、大豆芽、冬菇丝等，炒得非常干爽，味道香口而不油腻，条条丝都切得幼细，睇落就好容易，其实刀功同炒功都缺一不可。LIKE！酒糟鸭肝 (预订)酒糟鸭肝系要预订啲菜式，卖相只感一般，冇美
烟熏素鹅
打头阵的是烟熏素鹅，用腐皮包著甘笋、冬菇等配料而成，有淡淡啲烟熏香味，腐皮软熟得黎带点烟韧，而且香口滑溜，内里馅料啲刀功亦见精细，完全同出面用油炸过啲素鹅冇得比，非常出色！
和尚戴帽
唔知系乜，见老店员热诚推介，不防一试。上枱后眼见一块煎到金黄色啲蛋皮，内里还有肉丝(听个名以为系素食)、甘笋丝、云耳、笋丝、粉丝、大豆芽、冬菇丝等，炒得非常干爽，味道香口而不油腻，条条丝都切得幼细，睇落就好容易，其实刀功同炒功都缺一不可。LIKE！
酒糟鸭肝 (预订)
酒糟鸭肝系要预订啲菜式，卖相只感一般，冇美感可言，不过一上枱就传来阵阵啲香味，入口感觉鸭肝啲质地幼滑细腻，少少起沙，加上绍兴酒同糟卤，配答得宜，令鸭肝啲甘香更上一层楼，胆固醇?已经抛诸脑后，食完呢个菜式之后，口腔仍有淡淡啲酒香?定鸭肝香?已经分唔出啦，必食！
盐爆管庭
管庭即系猪啲喉咙，又叫猪天梯，本身对呢个部分无咩好感，上回食猪天梯啲原因系响老坑打边炉，一黎白灼冇咩味，二黎果餐食得唔happy，食咩都唔好食，不过见朋友仔推介，比多次机会你啦！上枱见到佢又系「白奶哂」咁，以为都系咁上下，入口乖乖不得了，非常爽口，口感略带烟韧，用盐同芫茜大火爆香左啲管庭，伴以少许鱼露更见鲜味，厨师啲炒功要一赞！
北京烤填鸭
今晚其中一个主角出场啦，师傅预先响我地面前show下只烤鸭，睇落就烤得好够火喉，色泽非常均匀，当时我已经感受到烤鸭热腾腾啲香气，而师傅亦好快咁响我地枱边手起刀落，两大碟啲片皮鸭好快就送到我地面前。只见烤鸭肥瘦适中，间中都有2片颇多肥糕，烤鸭皮外脆内软，3分啲皮带7分肉好有咬口，鸭肉嫩而有汁，而包鸭啲饼皮都OK唔太厚，配合甜面酱啲浓香同京葱啲辛辣可减去不少油腻，正！不过呢餐仲要留肚，3件已很足够，果然系每枱必有啲菜式！
锅烧肘子(预订)
第2个主角都出场啦，锅烧肘子又系一个需要预订啲菜式，呢个菜真系要人多先至可以order，真系好大只。呢个元蹄啲肥肉同瘦肉都好平均，表面个皮做到好松化，内里啲肥膏入口即溶，不过下层啲瘦肉部分颇为「鞋口」，可能取材大只啲关系，肥膏亦除之而增加，炸啲时间定必要长久一点，瘦肉变「鞋口」就冇可避免。其实整体啲感觉都系OK啲，冇多余啲芡汁，味道方面香浓肥美，食完一件元蹄之后再食下肉边啲菜，可以中和元蹄啲肥腻感。不过可能碟元蹄太大碟，或者系食左几件烤鸭啲关系，实在太漏，不能多吃。
炒西兰花
冇咩特别，炒得都几翠绿，食完咁多肉之后黎个菜实在太好啦~
小笼包
一望就知个皮做得好厚，肉馅还算鲜味，不过唔够汤，麻麻地。
拔丝苹果
期待的拔丝苹果却令人失望，冰水放响枱面成10分钟之后，侍应先至上果碟沾满糖浆啲炸苹果，热腾腾的糖浆遇到冰水，立时变成脆皮，再快手从冰水内捞起，变成一件脆皮苹果而唔系拔丝苹果，点解?糖浆唔够浓杰，炸起左一阵先上枱，碗冰水里面又唔够冰，好几种因素下，老实讲，我一D都feel唔到拔丝啲奇妙，咬落去还好，表面依然脆身，呢碟甜品极其量可以称之为炸苹果，同拔丝苹果还有一段距离。上次食拔丝苹果，已经系20年前，好怀念记忆中啲味觉。
整体啲味道唔错，而且上菜啲次序有条理，份量亦见足够，人多share仲好，今次可能太贪心啦，又叫烤鸭，又叫锅烧肘子，太多肉，食到个人好漏，可能明明好好食都变左唔好食。鹿鸣春响香港生存左咁多年，一定有佢啲道理。
比个tips大家，去老店食饭一定要早食，师傅级啲厨师通常早休息，夜D啲order通常系比D师傅仔做啲，想食好野就记得要早食啦~
张贴
