影片
更多
2014-07-04
849 浏览
今日见到Open Rice介绍系荃湾柴湾角街熟食市场开左间新嘅大排档, 嚫今日假期就一于去体验一下呢个比较冷门嘅地点. 听朋友讲呢个熟食市场嘅野好抵食, 不过环境并不是太理想,呢度主要做附近工业区嘅生意.呢间大排档位于熟食市场最开扬嘅位置, 它最接近马路(海盛路), 亦即系最接近丽城花园海滨(海兴路: 连接荃湾西铁站). 用Google map 都容易揾到. 不过由荃湾西铁站徒步需时20分钟, 最方便就系荃湾地铁站乘坐入丽城花园嘅绿色小巴.虽然今日有成摄氏33度, 但系佢地嘅强力冷风机及风扇营造左好似坐系海滩嘅感觉, 不过真系太大风啦, 搞到我成个头乱哂.虽然叫大车特色小食, 但食物种类都只系平时系茶餐厅见到果D. 叫左个香煎猪扒饭配青咖哩汁, 热柠茶虽然卖相不太讨好, 不过青咖哩汁送饭都几开胃, 最特别就系佢地好似用左珍珠米,每粒米都系分开, 唔会痴埋一齐, 唔似一般茶餐厅嘅饭通常都系一pat pat, 猪扒有香茅味, 但有点硬.热柠茶 - 由于佢地用左塑胶杯, 感觉上有点失色, 餐具其实都好影响我对食物嘅观感, 不过呢度系大排档, 不能有太高要求. 而砂糖要好似茄汁咁"支"落杯茶度
呢间大排档位于熟食市场最开扬嘅位置, 它最接近马路(海盛路), 亦即系最接近丽城花园海滨(海兴路: 连接荃湾西铁站). 用Google map 都容易揾到. 不过由荃湾西铁站徒步需时20分钟, 最方便就系荃湾地铁站乘坐入丽城花园嘅绿色小巴.
虽然今日有成摄氏33度, 但系佢地嘅强力冷风机及风扇营造左好似坐系海滩嘅感觉, 不过真系太大风啦, 搞到我成个头乱哂.
虽然叫大车特色小食, 但食物种类都只系平时系茶餐厅见到果D. 叫左个香煎猪扒饭配青咖哩汁, 热柠茶虽然卖相不太讨好, 不过青咖哩汁送饭都几开胃, 最特别就系佢地好似用左珍珠米,每粒米都系分开, 唔会痴埋一齐, 唔似一般茶餐厅嘅饭通常都系一pat pat, 猪扒有香茅味, 但有点硬.
热柠茶 - 由于佢地用左塑胶杯, 感觉上有点失色, 餐具其实都好影响我对食物嘅观感, 不过呢度系大排档, 不能有太高要求. 而砂糖要好似茄汁咁"支"落杯茶度, 有点奇怪.
坦白讲, 特色食品欠奉, 不过系度和朋友倾计, 都几舒服, 而且仲有露天嘅部份比吸烟人仕, 相比起其他熟食档, 呢度就真系几通风, 若然附近嘅打工仔心情唔好, 又或者遇上工作上嘅唔如意, 系度抖下气, 吹下风都系唔错嘅选择.
题外话/补充资料：
由于呢度太大风, 长发人仕记得束起头发, 避免整乱成个头
另外,问过呢度嘅侍应, 佢地只系开早市及午市, 通常工业区都唔做晚市
(以上食记乃用户个人意见 , 并不代表OpenRice之观点。)
张贴
