民華餐廳

营业中

休息中

一直爱食民华餐厅嘅常餐因为份量够饱之余，味道亦相当好，所以间唔中都会去帮衬今日中午时份又同两个朋友去食晏，一人点左一个常餐，我要沙嗲牛肉面，佢就要姜丝牛肉通粉，常餐仲包咗厚多士，炒蛋/煎蛋配火腿或者餐肉，连冻饮都唔使50蚊，算抵食。另外我哋今日重点多咗西多士同烧卖西多士可选择炼奶或者糖浆，咁我哋拣糖浆，因为多少可以自己随意加减，西多士厚身，炸起嚟都松化，面包唔会好硬，亦都有软熟嘅感觉，上枱已经切好，方便食用。讲返个沙爹牛面 点解咁钟意食全因为个沙嗲酱，佢嘅沙嗲酱唔系一般茶餐厅𠮶种流质嘅酱汁，而系比较固状，有花生沙嗲香味，浸入汤中后成碗都会食到有酱料粒嘅面，个感觉好正，仲非常香浓姜丝牛肉通粉嘅姜味都几突出，汤够味，唔会淡茂茂，牛肉就亦唔会好老，又几大碗，加上厚多士，香脆得来唔会焦，蛋亦炒得够香滑，全部食晒都真系几饱。虽然如此，但系都忍唔住叫多咗一份烧卖$17有四粒，仲要系大大粒，以肉为主，虽然无鲜虾，但系加埋辣椒油食，味道都唔错。冻饮无论奶茶同冻柠茶都唔错，正常水准。最后埋单每人平均先60几蚊，喺旺角来讲都算相当抵食，饱到捧住个肚走。