華昌粥麵燒腊飯店 (已結業)

太古城非常出名的茶餐廳，一般茶餐廳賣既野都有，例如燒味飯、雲吞麵、炒飯等等。中午既時候黎一般都會非常多人，咁係因為華昌既價錢雖然唔算好便宜但係係太古黎講價錢會相對合理，而且出餐十分快，質量又好，CP值極高，好多附近既打工仔都會黎呢間度食，所以一至五既中午真係大排長龍，想試既朋友建議夜晚先好黎食。我今次會推介既食物係呢度既雲吞麵，首先講講雲吞麵，佢呢度D蛋麵係十分之彈牙，唔知係唔係竹昇麵黎，本人覺得很不錯，另外佢D雲吞十分大粒又多，裡面除左蝦仲有豬肉，係正宗既雲吞先有，十分好味!