豪園餐廳 (已結業)

因为喺附近番工，豪园都大大话帮衬左几年，早餐都偶然有食，今日见早左少少到，就唔买M记喇，坐低食个早餐。不过呢度过左11点就冇早餐食，所以只能够系叫常餐~常餐价钱…就当然系贵，一个佬饭都食到嘅价钱。超值常餐：五香肉丁通粉 配火腿奄列、烘底方包 $41 (冻饮加$3)入到黎先醒起过左11点，本来想食个一丁，但常餐一丁要再加4蚊，所以放弃。肉丁份量都算多架喇，有啲茶记劲揾笨~不过冇乜味道，完全唔辣，系有少少无瘾。通粉都多，食唔哂，但真系冇味。相对而言，个奄列都叫几好食，鸡蛋唔会煎到痴哂锅捞，干干净净，虽然都同一般茶记一样，系冻嘅。沙嗲牛肉公仔面 配芝士火腿飞碟 $43 (冻饮加$3)比起肉丁，沙嗲牛肉性价比较高，起码份量OK，但又唔会冇味。另外如果唔要火腿奄列可以加钱转飞碟，虽然常餐系比较贵，但如大食人士都会饱的，味道只属一般。