裕興咖啡 (已結業)

中环铁皮屋里的裕兴排档，他的早餐不是容易食到的。一来佢八点半成九点先开工，二来由于每份多士都是老细收到order先开始制作，等上半个钟是等闲的事。如果要返九点准时，基本上系无可能食到。今日有会议喺呢头开，特登过嚟试下佢有乜吸引力。呢张餐牌系几年前影的，而家应该加咗价了。钟意重口味嘅我叫咗『炒蛋双拼三文治』配咸牛肉，加椰菜，盛惠$36蚊。随手揾张胶凳坐低，静候佳音。等足25分钟后，终于可以开餐。烘得微脆嘅麦方包中间有诱人嘅咸牛肉炒蛋，夹杂椰菜丝，同埋『流心』嘅花生酱。一入口，热辣辣要饮返啖冻奶茶。如果唔系裕兴，我大概唔会知道炒蛋、椰菜同花生酱系可以摆埋一齐的。事实证明，咁多年嚟都无第二间食肆做到佢嘅味道，抵佢要等咁耐。