嫲嫲雲吞雞 (崇齡大廈) (已結業)

今日同同事食lunch，拣咗呢间餐厅，虽然个名叫嫲嫲云吞鸡，其实午市系食小菜。系呢头都算受欢迎，要等一阵先有位。麻婆豆腐：豆腐同肉碎嘅份量都好足够，好嘢味有少少麻辣，送饭一流。菠萝咕噜肉：肉好松化，份量亦都好多，配料例如青椒洋葱都有镬气，睇得出系一齐炒唔系之后捞埋。野生椒炒牛柳丝：呢个调味好好，可惜系牛柳丝太少，配菜份量比较多。家乡酸菜炒猪颈肉：猪颈肉炒得好腍，可惜系簿左少少。加埋酸菜好开胃，又系送饭之选。总括而言呢间餐厅性价比好高，份量唔少之余仲要跟白饭同埋送嘢饮，打工仔食晏之选。