二少廚房 (已結業)

跟啲嘢跟到过晒食晏时间，谂主去food court求其食餐就算，系鸿图道附近索性去鸿图中心， 鸿图中心对于我嚟讲而得来hea得来都有啲层次； 入去兜咗个圈觉得真系太肚饿都系决定食饭， 望望二少厨房个menu 主力净系几样𩠌~简简单单都好唔使烦， 招牌手撕鸡饭+ 本来想叫个花胶炖汤，但系原来已经卖晒~好啦要个虫草花炖鸡汤啦，都系唔使食得咁干姐…food court外卖格局呢个我ok冇问题 ﹐先开手撕鸡饭先啦~了下啲鸡肉几唔少㖞， 懒人食法先食晒啲菜， 见佢鸡汁都几多就成盆鸡肉连鸡汁捞饭， 真系啲鸡肉太多定佢啲饭太少呢~ 捞起来啖啖肉， 因为有鸡汁好易入口又够香，鸡肉本身整得几够入味~ 几正㖞， 加上佢系属于客家盐焗鸡所以比较香口… 食咗几啖饭就开盅汤嚟饮~真系炖汤来㖞， 又攞只匙羹了下~又系好足料，𠮶种炖汤嘅肉香味充满晒成个口 ﹐呢个炖汤对于我嚟讲系惊喜，盖返我食完个香鸡饭再慢慢叹呢啖汤， 俾自己enjoy the lunch~ 食完返去睇menu如果斋叫炖汤都唔平，但系如果连埋鸡饭一齐叫，我呢度先至系70蚊，平时饮埋例汤食个饭都五六十啦，畀多十蚊饮炖汤都物有所值…