大門食堂 (已結業)

今日晏就赶时间想食碗拉面填饱个肚就入左沙田AEON呢间大门食堂。唔知系咪已过中午繁忙时间，餐厅内客人只得几位。拣左张四人卡位独占后，就叫左份大门拉面加一客饺子，乌龙茶走冰。谂住冇乜人可以好快煮好，点知都系等左15分钟左右先到。大门食堂汤底话日本直送，心谂拉面应该唔会差得去边。点知现实系极度失望。大门拉面汤底布满一浸肥油，好难唔相信系日本风格汤底/真系日本直送汤底。但拉面呢就真系世界级既「极品」黎面条完全冇真拉面既弹牙口感，每条形状长扁身，似机器切割出。唔系人手打都唔紧要，哗顶，拉面冇面味架！如果唔系呢一条条既野浸落日本直送汤底度，根本唔知自己系食紧日本拉面定快餐厅上海面。真系越食越唔知自己食紧乜，除左叉烧，因为仲有味道比我知道呢旧系「真」叉烧黎饺子大门既饺子真系皮薄，不过煎完后就系另一个样黎。煎到好样衰咁放上碟，饺子皮用筷子掂一掂就甩，卖相差。唔好睇唔紧要，好食就乜都得，但内馅同饺子皮一样保持失望水准，唔香口，冇肉汁，唔点醋完全食唔到。虽然唔收加一，但就算买一送一都唔会去。