海港酒家

营业中

休息中

本身对海港冇乜好感，去过两间分店啲知客都兴摆款。不过为迁就好友熟路而且要揾地方磨烂𥱊长倾就姑且又睇吓呢间荃湾分店menu。预先订位都宁舍巴闭，要凑够6人先俾订。为着与太耐冇见之好友们吹水，冇咩下午茶特价嘢，事但嗌吓啲饭面、点心。先上系「萝卜千丝酥」，都系工场货，叫做够热；「酸甜炸云吞」继续3件装，几够松脆每件一粒虾球；午市孖宝E餐「法式虾球乌冬配腐皮素鹅」，汁底芝士白汁够多汁，虾球冇乜虾味不过都爽口弹牙，乌冬系用番传统粗身𠮶啲。素鹅系当中最好食，脆口唔腻，又足馅料。至于服务，侍应继续成日时运高睇你唔到，唔愿斟水。