海港酒家

营业中

休息中

今日有個長者生日， 所以選咗嚟食中餐， 而家呢個時間最多人食阿拉斯加長腳蟹， 於是點咗一個呢啲套餐， 都幾抵。 另外再加咗羊腩煲及龍蝦伊麵。環境就真係一般般，勁逼。個乳豬脆卜卜都幾好食，唔太肥仲跟少少肉。 阿拉斯加長腳蟹：都幾大隻，幾新鮮， 啖啖肉實實地咁，幾鮮甜。 啲膏都幾香滑。不過之前我去另一間食，會幫你用一個碗倒晒啲膏出嚟，然之後俾你點蟹肉食。 可能實在太忙啲店員都唔得閒應你。羊腩煲：味道OK，不過啲肉實在太韌，好難咬，未夠腍。龍蝦伊麵：龍蝦都幾爽蛋，感覺幾新鮮。其他嘅餸菜，整體唔錯。上菜亦都好快。嗰 竹笙海皇會生翅，就真係麻麻哋⋯⋯另外壽包一半係蓮蓉，一半係奶黃。我都係覺得蓮蓉好食啲。

想搵一間親朋好友聚餐食飯嘅餐廳， 位於荃灣8咪半既海港酒家就係好好嘅選擇。餐廳位置離地鐵站好近， 行幾分鐘就到。 我哋一行九人， 慶祝朋友生日， 就揀咗呢間食物大眾化嘅酒樓。酒樓的裝飾不是很浮誇， 餐廳佈置得很優美， 感覺好舒服， 枱枱櫈櫈都擺得唔係好逼， 對比起大排檔，坐得算舒適。餐廳主打燒鵝， 我哋就叫咗半隻， 肉質鮮嫩， 而且好多肉， 個皮都好脆。另外仲叫咗唔少嘅餸菜， 有蜜汁排骨、 咕嚕肉、 酸菜魚、 鮑汁炆鴨掌、 黑椒排骨等。。。。。他們味道都唔錯， 炒得好惹味， 份量適中。總括而言， 呢間酒樓好適合一大班人黎食飯， 又唔限時， 值得過嚟試試。

打電話book了5月14日7:30食生日飯，並預留了一隻長腳蟹，當天去到已坐下，行出去揀蟹時，竟然話冇預留蟹給我們，為有找部長理論，看看有沒有其他長腳蟹可以給我們，點知都話沒有，男部長還用對講機跟其他同事說尤得他們走，態度極差😡明明他們漏了幫我們預留蟹，還將責任推到我們身上，不但沒有解決問題，還趕客人走，今時今日咁嘅服務質素，好難怪啲人唔留港消費，令願返大陸食飯，服務又好又平，這間海港下次就算有人請都唔會再去食

今日去荃灣做野到食晏時間一條友又好想食點心搵左間平平地既去食下因為早餐都食得飽皓以而家就唔可叫太多清蒸牛肉球例牌一碟3粒牛肉唔肥，加埋馬蹄夠曬爽口彈牙，好有牛肉味！不錯花膠鮑魚仔灌湯餃好耐無見過咁飽滿既灌湯餃，加埋花膠同鮑魚仔，成個碗係爆滿，睇見都好滿足！ 食落口好有真才實料既感覺，灌湯餃每啖都係滿滿既豬肉、冬菇仲有好多其他配料，夾埋一齊非常之吸引！花膠唔算大件頭，但夠淋滑!鮑魚仔細細粒，但係都好夠鮮味！

男人30而立當然要來個豪華生日宴，提醒個仔應該好成家立室了，千選萬選找到這間荃灣中染大廈的海港酒家，沒有令到我失望，出品不錯，重點是支阿拉斯加長腳蟹價錢實惠，大件兼夾抵食，大大只壽包12只，值得推介，生意好服務差少少可以接受，誰叫香港今時今日冇人肯入這行呢，此時此地的香港酒樓有肯推實惠套餐吸客有想法👍，已推介給朋友，下次還會來，希望優惠套餐沒那麼快做完啦，贊贊贊

在中染大廈 坐自動電梯上一層, 再坐lift 上7字 比較抵食的主打晨早孖寶優惠在這個表上任簡兩款. $30.8鳯爪排骨飯, 飯比較細碗. 鳯爪正常, 排骨腌得好勁下. 味道一般. 香煎蝦米腸粉, 無乜特別. 有微微膿, 有少少葱和蝦米, 比較香口. 沙爹金錢肚, 沙爹味重, 金錢肚唔係好腍, 有少少咬口. 潮州粉果, 有少少韭菜, 馬蹄, 肉粒, 西芹. 幾好味. 皮蛋瘦肉粥,皮蛋和瘦肉都唔係太多.有少少油炸鬼, 味道都算OK. 紫心香芋丸, 外皮有炸過, 裏面香芋紫紫地色, 都比較香滑, 都幾甜. 五香咸水角, 肉粒做餡. 調味比較惹味. 炸得一般. 擂沙煎堆仔, 炸得比較適中, 裏面有黑芝麻, 似食湯丸, 幾好味. 黑金流沙包, 包皮係黑色, 奶王唔係好多, 有少少咸蛋黃. 山竹牛肉球, 好正常, 有少少腐皮, 僅僅熟甘樣. 除左孖寶之後, 都有其他點心. 蟹籽燒賣皇$22.8 有隻蝦, 有蟹子, size正常唔大唔細, 正常味道豬肉燒賣, 新鮮蒸得唔錯. 懷舊燒腩卷$21.8 芋頭比較燒腩大舊,有少少肉味. 腩肉唔係太腍. 茶錢, 10蚊一位, 再加一.

大年初三（12號），要同親戚朋友中午去咗荃灣 8 咪半「海港」飲茶，順便新年約出來聚一聚。新年酒樓亦都有賀年點心，而我地亦都有叫黎試呀！味道一般，不過不失。蝦餃皮還可以，蝦肉尚算新鮮。包皮味道麻麻。甜味，軟度適中。薄到好似張紙咁，D 櫻花蝦唔知去晒邊，而且完全咩嘢味道都冇。係果日嘅點心稍為好少少嘅，味道還可以。外觀已經唔掂，另外完全沒有任何味道，包括咸味。👆🏿呢兩碟傳菜員放低嘅時候，因為我哋叫咗三碟，所以就問下佢，點知個傳菜員即刻好大反應，好大聲咁講（同時手指指住果兩碟芋絲餅）：「依度咪 3 碟囉！」【態度極為惡劣】食咗啲野之後，我屋企想叫碟菜食下，但係見點心紙上面冇「灼菜」，於是問侍應，點知佢好大力咁指住張點心紙寫住「濃湯浸菜心」嘅位置，呢度咪係囉！其實酒樓員工究竟知唔知咩叫「灼菜」呢？另外.....因為有個親戚要食齋，所以叫左個「羅漢齋炒麵」。味道一般，汁好多。湯過多，伊麵太少，水汪汪咁，冇咩味道。

原本一個開心的新年聚，但一見頭盆隻所謂 飲錯奶粉養的BB豬…... 不去也罷！早幾個月也曾中午在此叫個十二套餐，當時碟乳豬全體一上桌，只見瘦身咗成圖， 估吾到今以仲過份….. 想减成本？都吾好當人傻仔啊...

我今日在荃灣地鐵站附近辦事，順道去位於青山公路荃灣段 388號中染大廈（8咪半）7樓 701-703號舖的海港酒家飲茶。我點左鼓汁涼瓜牛肉河$128，及泰式海鮮炒米粉$128。兩個菜都煮得不錯，不失水準。

大星班兩味：翡翠炒班球：白烚西蘭花加東星班塊果皮蒸頭腩：消失的果皮配豉油清蒸魚頭魚腩，䏲落似細魚🤦🏻‍♀️海港燒鵝皇（例牌）：招牌菜，皮脆肉質偏嫩，脂肪唔多而且味道入味。青瓜海蜇：青瓜口感清脆，海蜇係用海蜇頭口感會比較爽脆，但整體味道唔夠麻辣偏酸當睇跟餐牌嘅時候，酒樓經理一路推銷仲想直接幫我地直接決定食什麼。另外，差不多每次食都有漏單情況發生，今次食完所有菜都未見有果皮蒸頭腩。當後加青瓜海蜇到有，而果皮蒸頭腩先姍姍來遲，前後大概都等咗45分鐘先有，其間都有反應漏單。而且，價錢偏貴，性價比低如果唔係位置就腳，方便老人家都唔會選擇過嚟食

今晚一行14人同媽媽在此慶祝90歲大壽。之前在此食過好多次，價錢合理，味道ok，服務算中上，所以今次向自己家人推介此店。但今次真令人失望。先講套餐內的龍蝦伊麵，我同侍應清楚交帶要加底同轉芝士焗，嚟到話唔好意思無廚房做錯咗，我話要改番，要芝士，但唔好就咁用番呢盤加芝士就算。最終食得出係囉，因啲麵淋pat pat。 我地又額外要一隻亞拉斯加蟹，講到明要椒盬味，點知等咗好耐又上錯，變咗清蒸，個海鮮部都承認自己漏咗講，我話你唔可以就咁又攞番呢隻去加工，佢賴係叫我地去揀過隻，點知嚟到食就知係用番嗰隻，啲肉唔好食 （之前食過幾次都好食，個個都讚）。但因蟹無記認，無得同佢理論，但就令人相當失望。因為佢地唔老實，所以原先預訂初四去飲茶都改變主意了。

這裡離荃灣地鐵站都幾近，在中柒大廈七樓，環境不錯，裝修都新淨，比好多飯店寬敞輝煌，吃的舒服。蘿蔔糕每一塊都有臘肉香蝦，味道香濃，蘿蔔糕軟而不爛。鳳爪味道與其它飯店不同，有自己的特色，不會大同小異，煮的不會太爛，入口剛剛好的硬度。春卷裡面有好大只新鮮蝦，蝦味濃郁，好新鮮，外皮炸的脆，每吃一口都有滿足感。腸粉包的餡料足，粉本身彈性十足。菠蘿叉燒包比拳頭細，外皮比較硬，裡面中空空間比較大，叉燒沒吃出特色。炒飯比較硬，有點香味，好大一盤，沒吃完。

今日同同事lunch 去飲茶，呢度都係第一次試。部分點心精緻美味，飯🍚麵🍜類大份飽肚，整體食物味度黎講ok。不過漏單情況嚴重，有代跟進。🌟鮑魚燒賣 ｜ 7/10賣相精美，味道正常水準🌟黑金流沙包 ｜8/10👍🏻👍流沙包熱辣辣，撕開一半之後，入面好香蛋黃味，兼且真係有流沙嘅質感，呢一個重點推薦🌟棉花雞 ｜ 7.5/10有幾塊大塊完整既雞肉，一啲冬菇同埋杞子，算係足料，魚肚吸滿醬汁軟綿綿👍🏻👍

今日契媽生日去荃灣海港酒家慶祝一下，首先去揀隻長腳蟹，問阿叔有無細隻D(四斤左右），阿叔猛話無啦得返大既，目測約八斤，之後就拎隻較細既，約六斤半。叫佢唔好開蓋要原隻蒸（因為之前係其他酒家會開蓋偷晒蟹膏的經驗），阿叔就態度晦氣話唔開蓋蒸好有蟲無得投訴嫁喎，我地強調無問題，總之原隻蒸，阿叔再講話有蟲肚疴唔好投訴我喎！我食過咁多次阿拉斯加蟹唔會有蟲囉！之後點左蟶子炸米粉底，侍應話炸米粉底加80蚊，OK無問題！瑤柱扒豆苗，龍躉兩味，例牌燒鵝。食完蟹就上菜，第一味上蟶子，唔見左炸米底，侍應就話無炸米底，想我地接受，我地就話唔要了！明明問左仲話可以做到，加完錢又話無！收左碟野入廚房後侍應又出黎話整返個炸米底喎。咁頭先又話無！接住上豆苗，叫瑤柱扒豆苗得豆苗，連蒜蓉都無粒真係清炒，同侍應講D瑤柱去左邊？侍應仲要睇返張單睇下係咪有寫瑤柱。上兩樣都錯兩樣，不知所謂。立即叫埋單！等左勁耐都唔拎張單黎！叫佢地取消就話要經理取消，問經理去左邊，侍應話經理係廁所！真係第一次見明知有問題仲龜縮係廁所！最後要改單迫於無耐比同事叫出黎改單。超差體驗，經理都唔係做野，不知所謂！最後轉場去大排檔，人地招呼又好，上菜又快，瑤

當天星期六與家人一起喝早茶，嘗試了海港酒家，一見到早茶菜單，見到有很多選擇，而且價格也不貴，很多款式都是在早茶孖寶系列裏面，所以整體價格很優惠，上菜速度也很快，特別推介他們的山竹牛肉球、XO醬蘿蔔糕、柴魚花生粥和七彩炒米粉， 十分好吃，但是服務態度需要改善，因為本人提前一日預約了八位，但當本人到了現場後， 他們卻說沒有我這個紀錄，結果又要重新再等一段時間才有座位，然後由於我們八個人裏面其中有兩個人生病了，所以沒有出席，最終只有六個人去酒樓飲茶，但是那個女職員偏要寫我們茶位是8位，最後要出動跟經理解釋後，才寫返6位茶位，不明白為什麼這個女職員那麼堅持要寫8位茶位，而且服務態度不友善，除了服務態度外，食物質素也可以接受。