野川拉麵の深燒食堂

营业中

休息中

元朗又新街，元朗最多美食林立既『食街』之一。今日同老婆系呢边揾食，系又新街行下行下，见到呢间门面几有趣既野川拉面，咁就行入去试吓啦。我哋入去嘅时候系下昼四点，唔使等位直接入咗去坐。佢铺头入面嘅装修都几特别，啲摆设都几有心思。我哋叫咗两个拉面，一个叉烧拉面，一个烧鸡拉面，另外仲叫咗啲小食，包括有烧鸡皮，烧鸡软骨，芋头丸子，蒜蓉烧生蚝。等左唔使5分钟，嘢食就陆续上枱。首先讲个拉面，豚骨汤底唔错，叉烧同烧鸡都好好味。佢啲小食都好唔错，尤其烧鸡皮，好食到我要encore。另外我仲叫咗日本苹果梳打，真系几好饮。而且当我睇佢餐牌嘅时候，发现佢原来夜市仲有鱼生同埋生蚝，下次真系要过嚟呢间深宵食堂食返个宵夜先得。