後宮 (已結業)

后宫呢个名好衬呢间店，虽然知道地址，佢唔算易揾，招牌唔太起眼，要好留心先发现到，而且火锅店要落地库，带著一点神秘。落到去俾我感觉好阔落，唔会有压迫感，最特别系楼梯右手边有个小厅，可以供客人唱k，一边打边炉一边唱k都几正👍另外设有两间VIP房，都有k唱，怕羞嘅食客可以预订。本身谂住叫秘制沙嗲锅，但朋友见到花胶鸡锅就俾佢吸引住，佢话养颜㖞🤣。呢个锅有惊喜😱竟然成只鸡放上枱，鸡好嫩滑鲜甜，一d都唔鞋口，最好味系个汤，好浓味（愈耐愈浓），感觉冬天饮会好暖身。最后都忍唔住叫左个稻庭乌冬，乌冬吸左汤嘅精华，超正😋火锅配料叫左鲜墨丸，鲜虾丸，水鱿，鳝片，全部海鲜类😂墨丸好弹牙，入面仲有粒粒墨鱼粒，真材实料。水鱿爽口，打边炉必叫，重点份量好多🤭另外我地仲叫左两款小食：麻辣陈皮鱼旦，份量又系劲多，四十几蚊至少有廿粒，仲平过出面街边笃鱼旦。打边炉当然唔少得叫返支啤酒，花脸呢款啤酒第一次见，顺便叫左碟金沙黄金鱼皮送酒，黄金鱼皮食落唔油，唔会有油腻感。