老鍋台式火鍋 (京都廣場) (已結業)

无论热天、冷天、中午或夜晚，我都好钟意食火锅，但最钟意一定系台式火锅，因为我个人抵挡唔到麻辣鸭血！呢日同个朋友系铜锣湾shopping完好需要补充体力，刚好地铁站旁就有呢间，仲有lunch set，就立刻坐低。呢到有提供一人、二人、同四人火锅套餐。我地最后要左两个一人锅，因为依家防疫意识仲好强，感觉咁样卫生d。呢到装修好有feel，真心觉得好似去咗台湾咁，有哂天灯！座位又够大，又舒服，最紧要就感觉干净，餐具座位都冇黐立立！呢到酱料区每样嘢都好大碟，我平时一攞就攞好多，所以如果个container太细，我会攞得冇咁安乐，觉得下一个人可能又要等餐厅refill，呢到就冇呢个担心，可以放心尽攞，岩哂我呢啲重口味人！一人火锅套餐都冇马夫，有肉有菜竟然有埋王子面！我好耐冇食过，好钟意呢种面d口感！最后仲有一杯饮品，$78抵食到晕啦！