真味鮮廚 (已結業)

今晚同屋企人嚟打边炉，食到一肚气。叫左个唐生菜，食到一半，发现啲菜入面有条手指尾咁长嘅虫，竟然生勾勾仲郁紧！即刻叫个侍应埋嚟睇，虽然佢提议帮我地换过一煲，但系同时间竟然叫我地都要体谅下，讲笑咁讲话菜入面有虫证明啲菜冇农药，而且成间餐厅几百斤菜，冇可能每棵洗得干净晒！之后仲话我地啲城市人见到虫大惊小怪！洗干净晒所有食材先拎俾客人，一定系餐厅责任，自己洗得唔干净有咩可能叫食客要体谅下！实在系离晒大谱！