烤魚世家雞煲火鍋

营业中

休息中

自己本身一向都好钟意食鸡煲同埋打边炉，上网睇呢间多人推荐，所以嚟食下。来嘅时候，已经有好多人喺入边，坐无虚席。呢到亦都好近地铁站，由C2出口行几分钟就到。见到店舖入边好多人都点咗烤鱼食，喺呢度有桂花鱼、沙巴龙趸两款可以拣。店员好仔细帮我哋去洗食具，招呼非常好，亲切友善。我一嚟嘅时候就叫咗三支啤酒，店员亦都悉心为我地准备冰桶，保持风味。餐牌上有好多款煲同火锅汤底供选择。我叫左个药膳醉鸡煲，鸡量半只，两个人食嘅话非常足够。鸡肉嫩，汤底唔算有浓烈嘅药材味。餐厅亦都有自助配料可供选择，豉油方面亦都有甜豉油同埋咸豉油，我自己就钟意食甜豉油。花胶都系一个我好钟意食嘅火锅配料，呢到花胶硬身，连酱料食，特别系甜豉油就更加香。我另外亦都少咗蜂巢豆腐同埋活动，打边炉最紧要有肉有菜有淀粉😂豆腐硬身，汤汁完全可以渗入去，所以汤底选择会直接影响豆腐嘅质素。