影片
更多
2018-07-23
181 浏览
会食呢间系因为有朋友介绍话又有靓景，啲野又好食，果然！27楼加高楼底，一排落地玻璃，望出铜锣湾既五光十色，剩系个景都好正！________________________🔹滋养花胶碧绿豆腐锅(豆腐自制) $288未饮已经闻到好香好香既老火鸡汤味。熄火几秒影无滚已经有一层膜系面，个汤胶质应该几重下。.个汤一定先试几啖，如果唔系，一开始打边炉，店员就会加啲猪骨汤落去，之后个味就唔同晒㗎啦。.另外佢地自制既碧绿豆腐相当有特色，有少少似蒸水蛋既口感同味道.🔹顶级蒙古涮羊片 $78唔会有膻味，肉身几嫩，望上去有少少脂肪位，但一啲都唔肥，反而几爽口。.铺底既莴笋丝都记得唔好放过，渌完都几爽口，好好味.🔹四合丸 $88四合丸并唔系四粒唔同既丸，而系每粒丸都由四种肉混合而成，分别系：墨鱼, 虾, 猪肉, 金腿茸.质地比墨鱼丸软一点，但咬落去之后啲肉香味久而不散。.🔹骟牯三宝 $688🐮牛头脊呢个部位比较珍贵，整盘只有两件，比较有咬感，一食唔觉好重牛味，以为伏左，食完啲牛味先慢慢走出黎。.🐮边爪三种之中肉质最淋身，但又无肥牛咁淋，都几有咬感，牛味亦比较出。.🐮挽手肉两边都连住1条肥膏，但食落去一啲都唔肥
会食呢间系因为有朋友介绍话又有靓景，啲野又好食，果然！27楼加高楼底，一排落地玻璃，望出铜锣湾既五光十色，剩系个景都好正！
________________________
🔹滋养花胶碧绿豆腐锅(豆腐自制) $288
未饮已经闻到好香好香既老火鸡汤味。熄火几秒影无滚已经有一层膜系面，个汤胶质应该几重下。
.
个汤一定先试几啖，如果唔系，一开始打边炉，店员就会加啲猪骨汤落去，之后个味就唔同晒㗎啦。
.
另外佢地自制既碧绿豆腐相当有特色，有少少似蒸水蛋既口感同味道
.
🔹顶级蒙古涮羊片 $78
唔会有膻味，肉身几嫩，望上去有少少脂肪位，但一啲都唔肥，反而几爽口。
.
铺底既莴笋丝都记得唔好放过，渌完都几爽口，好好味
.
🔹四合丸 $88
四合丸并唔系四粒唔同既丸，而系每粒丸都由四种肉混合而成，分别系：墨鱼, 虾, 猪肉, 金腿茸
.
质地比墨鱼丸软一点，但咬落去之后啲肉香味久而不散。
.
🔹骟牯三宝 $688
🐮牛头脊
呢个部位比较珍贵，整盘只有两件，比较有咬感，一食唔觉好重牛味，以为伏左，食完啲牛味先慢慢走出黎。
.
🐮边爪
三种之中肉质最淋身，但又无肥牛咁淋，都几有咬感，牛味亦比较出。
.
🐮挽手
肉两边都连住1条肥膏，但食落去一啲都唔肥腻，油脂味只会淡淡连住啲肉味出黎，相当轻怡。
.
🔹日本广岛蚝 $68
都几大只下，又几鲜味，店员会另外畀一个网筒，唔怕渌渌下唔知去左边
.
🔹白鳝片
虽然已经切得好薄，但都几多细骨，鱼味唔系特别出，个人觉得普通
张贴
