米走雞 (太子藍馬之城)

营业中

休息中

一班朋友食饭，天气冻真系要打个边炉暖下个身。竟然咁多人紧系要早就book定间人气十足既米走鸡。呢间铺头之前都听讲过想walk in都有排等，去到果然有好多人，好彩真系有book到。场内够光猛又整洁，地方又舒适，通风都唔错。黎到米走鸡紧系要试下佢地个黄金芝士鸡煲，呢个亦都系成个边炉既精髓。呢个煲既芝士，香而不会太浓缩，味道刚好。上台时芝士已经半溶，鸡块一口一件大小岩岩好，旧旧鸡都有芝士味。食到咁上下，就可以加汤，咁就变成芝士汤底啦。配料首先叫左脆鲩腩，水饺，手打五宝丸。脆鲩腩$68 真系非常可口鲜脆，鲩腩入口时真头有索索声。凤城水饺$68 皮薄，肉质鲜嫩。手打五宝丸$78 有猪肉，虾肉，墨鱼，牛肉同埋鲮鱼肉。全部爽口弹牙，人手打制。食到咁上下，系时候饮返d打边炉最岩饮既野，就系竹蔗茅根$58，一渣都几大咖。清甜冰凉，边炉最好配塔。除左以上几味新鲜好味既主菜，紧系要叫返d边炉必要既配料。木耳，响铃，炸鱼皮，竹笙通通都好抵食唔贵，又够大碟。最紧要全部都新鲜。