影片
更多
2020-12-10
1094 浏览
见到食评都唔错就过嚟试下，可能期望太大，所以有d失望～ 好耐冇去过显径啦，原来冬菇亭𠮶度新装修咗，呢一间发哥都系喺𠮶度，里面有火锅有小菜食。一知道系食火锅嘅，店员即刻拎咗一渣竹蔗茅根水（几好，少甜）➕ 两个小食（酸青瓜，花生）上枱。我哋拣咗两个人都系虾蟹餐 （HK$248@ + HK$10 星期五六日 + HK$15@ 茶芥酱油）🥢 汽水+竹蔗茅根水喺任饮嘅～跟餐每位有个炖汤～海鲜全部都放埋一碟𩠌上嚟（鲍鱼另上），我哋睇清楚啲，发现就冇虾嘅，要几番追问下店员补番啲虾畀我哋，另外佢张落单纸写嘅贵妃蚌就变咗扇贝，黄金蚬就其实都系畀沙白👉👈 蟹就无蟹膏嘅（应该系蓝花蟹）。。另外拣嘅8款火锅料就正正常常啦，冇乜嘢好突出，质素同出去任食打边炉𠮶啲差唔多。。鸡件望落去就dry d，唔系太吸睛嘅样🙈食到最后，叫店员加埋粥底，粥底里面有少许粟米粒南瓜粒芋头粒。见食唔晒又唔想浪费(又就快10pm够钟无得继续堂食)，就问店员，想俾钱要个外卖盒，2个店员话都唔得㖞，话唔可以拎走‼️ 唔系好明点解 我哋又唔系任食，系自己畀咗钱嘅份量，都唔可以拎走，有啲奇怪。。。喺屋邨嚟讲佢呢间嘅价钱唔算平，当然如果系住显径邨
一知道系食火锅嘅，店员即刻拎咗一渣竹蔗茅根水（几好，少甜）➕ 两个小食（酸青瓜，花生）上枱。我哋拣咗两个人都系虾蟹餐 （HK$248@ + HK$10 星期五六日 + HK$15@ 茶芥酱油）🥢 汽水+竹蔗茅根水喺任饮嘅～
跟餐每位有个炖汤～
海鲜全部都放埋一碟𩠌上嚟（鲍鱼另上），我哋睇清楚啲，发现就冇虾嘅，要几番追问下店员补番啲虾畀我哋，另外佢张落单纸写嘅贵妃蚌就变咗扇贝，黄金蚬就其实都系畀沙白👉👈 蟹就无蟹膏嘅（应该系蓝花蟹）。。
另外拣嘅8款火锅料就正正常常啦，冇乜嘢好突出，质素同出去任食打边炉𠮶啲差唔多。。鸡件望落去就dry d，唔系太吸睛嘅样🙈
食到最后，叫店员加埋粥底，粥底里面有少许粟米粒南瓜粒芋头粒。见食唔晒又唔想浪费(又就快10pm够钟无得继续堂食)，就问店员，想俾钱要个外卖盒，2个店员话都唔得㖞，话唔可以拎走‼️ 唔系好明点解 我哋又唔系任食，系自己畀咗钱嘅份量，都唔可以拎走，有啲奇怪。。。喺屋邨嚟讲佢呢间嘅价钱唔算平，当然如果系住显径邨嘅呢度就会方便啲，但系要搭车过嚟嘅我就唔会再返嚟食啦😅
餐厅自己冇厕所㗎。。厕所要行出去公厕。。（我冇拜访到）
张贴
