百利火鍋海鮮酒家 (已搬遷) 新店位置

开始天气凉，最好就系滚几滚🤣早嚟所以唔算多人，但越坐越旺场，枱枱都爆满！今次试吓佢既海底椰子鲜鸡锅，一嚟到就好香海底椰味，鸡分开另上。叫咗个手切肥牛（小），招牌墨鱼滑，必食石湾虾公鱼腐，白鳝片，圣子皇同菜心！如果2小时内交枱仲有啤酒送添👍🏻鸡都好滑唔会‘鞋’口，墨鱼滑好爽口弹牙，食落有粒粒墨鱼肉，鳝片就普通，唔够厚切同肥美，仲好多骨添！鱼腐其实同平时街食既有咩唔同呢？！食落去好似冇咩分别🤔部长叔叔极力推介圣子皇，都算大只，好甜，但有少少沙😞菜心真系超甜，好好食，平时多数都叫拼盘，好在今次冇咋😋手切肥牛好香牛味，如果可以肥少少就仲好！