影片
更多
2016-05-23
596 浏览
老婆上堂，知道今晚得番一支公食饭，所以，就趁机约埋保险经纪倾嘢，又一次过搞埋其他私事，待完晒之后就揾间餐厅舒舒服服食番餐。因为完晒事时身处尖东，顺便到半岛中心拍卡悭两鸡，出嚟见到对面好似有间新开嘅台湾面店「铁牛」，望入去都几人气 ，喺值搏嘅指标。虽然布局属「大众食堂」格，全部都喺自由席，但一入门口都会有侍应招呼及安排入座，而且，装修倒喺几骨子。一张点菜纸就睇晒有咩选择，台湾汤面、便当、特色干拌面、鲜蕃茄面、台式麻辣汤面 、小吃、小菜、台式特饮、汽水、啤酒……等等一应俱全 。虽然另备有印刷精致嘅餐牌，不过，无太多菜式嘅相片佢参考，觉得未有好好利用嚟吸引客人嘅眼球。而依度点餐有啲特别，晌点菜纸剔好食物后，要到门口柜位俾钱，之后，就由侍应将食物逐一送上，每送上一样嘢都会划一划单，直至送好晒所有食物佢哋就会收走张单，以表示依枱客无欠未出嘅食物，个管理系统又几好㖞 。食完又唔晒嗌埋单，即闪走人！ 黄金梅子脆薯 $32 晌台中食过一次，新鲜即炸嘅蕃薯，洒上金梅粉，超正。今次再遇，即成为心水必叫嘅小食，蕃薯炸得金黄，入口粉香唔油，不过，热度差少少，但洒上大量金梅粉，酸酸甜甜，一样觉得好
虽然布局属「大众食堂」格，全部都喺自由席，但一入门口都会有侍应招呼及安排入座，而且，装修倒喺几骨子。
一张点菜纸就睇晒有咩选择，台湾汤面、便当、特色干拌面、鲜蕃茄面、台式麻辣汤面 、小吃、小菜、台式特饮、汽水、啤酒……等等一应俱全 。虽然另备有印刷精致嘅餐牌，不过，无太多菜式嘅相片佢参考，觉得未有好好利用嚟吸引客人嘅眼球。
而依度点餐有啲特别，晌点菜纸剔好食物后，要到门口柜位俾钱，之后，就由侍应将食物逐一送上，每送上一样嘢都会划一划单，直至送好晒所有食物佢哋就会收走张单，以表示依枱客无欠未出嘅食物，个管理系统又几好㖞 。食完又唔晒嗌埋单，即闪走人！
黄金梅子脆薯 $32 晌台中食过一次，新鲜即炸嘅蕃薯，洒上金梅粉，超正。今次再遇，即成为心水必叫嘅小食，蕃薯炸得金黄，入口粉香唔油，不过，热度差少少，但洒上大量金梅粉，酸酸甜甜，一样觉得好食。
黄金梅子脆薯
$32
46 浏览
1 赞好
0 留言
主厨私房牛肉干拌面 $73 台湾啲红烧牛肉面一向好正，所以，最初喺打算叫红烧牛肉汤面。不过，再睇睇吓餐牌，见到有一系列特色干拌面，好似未试过，故最终点咗一客主厨私房牛肉干拌面。
「主厨私房牛肉」言下之意就包咗大块金钱展、秘制牛腩及香滑牛筋，佐料有大量葱花及青瓜丝，捞匀啲面条时原来青瓜丝下仲有酸菜，将所有材料搅匀之后，面条柔韧之余，味道带点酸爽 ，再者，面条嘅份量实在唔嘢少；而金钱展、牛腩及牛筋都做得好食，尤其牛腩卤得松化，牛筋软腍有咬口 。
随干拌面附带嘅牛骨汤，味道非常香浓，啖啖精华 。
焦糖珍珠奶茶 +$15 珍珠奶茶固然喺台湾名物，焦糖珍珠奶茶原价要$30，不过，凡点汤面、便当、干拌面、蕃茄面、麻辣汤面就可以+$8配热饮、+$10配冻饮、+$15配特饮，有优惠当然详用。大大杯珍珠奶茶茶底够香，入口幼滑，带微微焦糖香，啲珍珠好软弹 。
反转张点菜纸，后面印有午市套餐（$45-$58），附3种配菜及热饮，可惜只限星期一至五（11:30-14:30）供应，星期六、日、公众假暂停，应该无福消受。
铁牛，何止铁一般嘅热血，做食物，似乎亦有铁一般嘅热诚。有机会，下次再试试佢哋啲红烧牛肉汤面，睇睇似唔似𠮶时我晌高雄嘅老宋所食到咁正先！
张贴
