友記甜品 (已結業)

友记系荃湾都开左好多年，之前系荃湾返工，间中都会收工黎食下宵夜，钟意佢熟食即叫即整热辣辣，但今日因为已经食左饭，所以食个甜品算了。俾隔离台吸引到叫左呢个小型西瓜盅，除左有西瓜粒同哈蜜瓜粒外，入面仲装住椰果，凉粉同珍珠，而雪糕亦可以拣其他味，食晒内馅后，仲有好多西瓜肉可以挖出黎食，非常鲜甜多汁，夏天食真系份外消暑。友人最爱食心太软，所以另一样叫左朱古力心太软配云呢拿雪糕，心太软切开即时有朱古力浆流出，热热既朱古力浆加上冰冻既雪糕，非常好味。