影片
更多
2024-02-06
207 浏览
好耐都无帮衬过呢间，三文治就更未起呢间食过，今日路经附近，于是钻入去食早餐，想比较下同区内两间（谭仔及百分百）食过嘅餐蛋治有咩区别，但一见餐牌有咸牛肉呢个选项，立即改变主意，要咸牛肉及鸡蛋三文治，配热奶茶。三文治中，我认为咸牛肉鸡蛋是绝配，比其他配搭更为出色，唔知各位认唔认同？惯例奶茶先上，但可惜呢间只有白砂糖供应，无我喜爱嘅啡糖，已经扣分，茶饮落唔够香、唔够滑、唔够浓，再扣分。蛋牛治嚟到啦，斋睇表面，已经比谭仔及百分百失色，薄薄两片面包，而且表面粗糙，卖相已经唔得，又再扣分；擘开一睇，咸牛肉分布不匀，左边比较多牛肉，右边比较少牛肉，而事实上咬落嘅差别更大，左边嘅牛肉比右边多两倍，再一次扣分。呢间茶记只收现金，不收任何电子支付工具，如果无带现金嘅话，切勿帮衬，呢方面又再失分。呢个双并三文治餐要$34，无比较就无伤害，无论同谭仔抑或百分百相比，整个出品嘅性价比都低，所以除非要食咸牛肉或沙嗲牛肉三文治，否则我认为唔值得帮衬呢间嘅三文治餐。在食紧呢餐嘅同时，望见搭台嘅人所叫嘅三并车仔面，见到佢啲猪皮望落几正，再望墙上高呢三𩠌车仔面选项，比餐牌呢个为多，而且有檬粉及银针粉选择，价钱是$39，下
三文治中，我认为咸牛肉鸡蛋是绝配，比其他配搭更为出色，唔知各位认唔认同？
惯例奶茶先上，但可惜呢间只有白砂糖供应，无我喜爱嘅啡糖，已经扣分，茶饮落唔够香、唔够滑、唔够浓，再扣分。
蛋牛治嚟到啦，斋睇表面，已经比谭仔及百分百失色，薄薄两片面包，而且表面粗糙，卖相已经唔得，又再扣分；擘开一睇，咸牛肉分布不匀，左边比较多牛肉，右边比较少牛肉，而事实上咬落嘅差别更大，左边嘅牛肉比右边多两倍，再一次扣分。
呢间茶记只收现金，不收任何电子支付工具，如果无带现金嘅话，切勿帮衬，呢方面又再失分。
呢个双并三文治餐要$34，无比较就无伤害，无论同谭仔抑或百分百相比，整个出品嘅性价比都低，所以除非要食咸牛肉或沙嗲牛肉三文治，否则我认为唔值得帮衬呢间嘅三文治餐。
在食紧呢餐嘅同时，望见搭台嘅人所叫嘅三并车仔面，见到佢啲猪皮望落几正，再望墙上高呢三𩠌车仔面选项，比餐牌呢个为多，而且有檬粉及银针粉选择，价钱是$39，下次如果再嚟的话，我应该会试呢个。
张贴
