肯德基家鄉雞 (KFC) (已結業)

好鍾意食KFC嘅雞，見好耐冇幫襯 咁岩呢排個Pizza雞又賣哂廣告咁，抱住好有希望嘅心態去試，點知個汁完全同Pizza味好似址唔上關係。加$6要咗個萄撻，萄撻唔洗講 保持水準，好味到想食多個。跟餐有兩件雞 一杯野飲 $36，我以為會有Pizza個隻好cheese好香個隻味，點知一食 茄汁多到掂到塊面，個感覺就係好似一件沾滿茄汁嘅炸雞，食唔到其他味，太多茄汁仲令到個皮變到淋哂，只係底部仲脆脆地。由於太酸 層芝士又分離哂咁，所以決定唔食層皮，齋食肉算。KFC雞肉仍然係整得好味又大舊，只不過今次個醬 我個人唔係太like，所以下次食我都會堅持食返原味嘅炸雞