好湯好麵

营业中

休息中

三日假期，紧系要食啲好嘢助兴，所以栽程嚟到大围，嚟食一碗几贵嘅面。网民大多推荐 海龙皇面$138，所以就唔谂其他直接试。先嚟一啖鲜橙色嘅虾汤，系几鲜甜，但又唔系纯虾肉嘅味道，饮得出系虾头虾脑虾壳一齐熬出嚟嘅结果，不错的。啲面好幼身，亦都好快腍，再食下粗过手指尾嘅大虾，感觉唔系新鲜活虾，必系急冻嘢，即时觉得有啲扫兴，除此之外仲有带子，蟹肉都正常急冻嘢味，勿而轩唔系我杯茶，不足一提。可能真系希望愈大，失望就愈大，用咗两餐嘅价钱食，驶大咗，下餐罚自己卯得食，当减肥。论呢面嘅价值，顶多系$80。