必勝客 (已結業)

已有一阵子冇食pizza了, 有时都会叫吓外卖, 但始终不及在餐厅食咁好味嘅. 知道Pizza Hut 最近又有扭扭批, 今日就带埋小朋友嚟食, 亲子一番! Order 咗个二人套餐, 另外加咗d小食:蘑菇忌廉鸡汤 - 入口香滑! 小公子挚爱, 佢问点解唔系好似气水咁有得免费添饮? 经典必胜客特式意粉 - 蕃茄酱酸酸地, 几惹味!繁星鸡块拼鱼圈 - 小朋友最钟意香口炸嘢, 鸡块都ok, 唔鞋!秘制鸡锤 - 鸡锤略为缩水细只, 味道一般!西班牙白酒蓝青口 半份 - 同个名唔系好夹, 亦冇乜白酒香味, 青口壳大肉细, 份量不足!千岛海鲜扭扭批 - 之前都食过一次扭扭批, 但觉得呢个有d缩水, 除咗扭扭芝士粒ok外, 个pizza批底好薄, 一向Pizza Hut 嘅厚批都系好食嘅, 但呢个就有d失色, 千岛汁味道亦太淡!整体个餐系ok嘅, 最紧要小朋友食得开心啫!