Hooray Bar & Restaurant (已結業)

同朋友食完饭仲未倾完计, 想揾个地方饮嘢, 醒起好耐之前嚟过呢度食饭, 于是带咗个朋友上去。之前仲担心落雨无得坐外面, 原来太耐无嚟, 佢哋已经加咗个上盖。是晚天气唔算太热, 我觉得刚刚好, 但朋友就话坐近D风扇佢会舒服D, 无奈每个用盆栽划分既区域都各只有一把风扇。饮嘢每位最低消费$120, 都唔平㖞!不过啱哂我哋呢D扮哂中产之人。我本身唔系好饮酒, 但要扮嘢又点少得一杯cocktail在手呢? 见Menu有signature cocktail, 叫咗一杯Tiramisu, 用Baileys整, 入口好甜, 好似食紧饭后甜品咁。朋友就叫了两round Guiness。记得上次嚟食饭真系麻麻地, 但倾计饮嘢真系唔错, 唔会嘈喧巴闭斗大声, 有机会会再嚟扮中产。