泰紅泰國美食 (已結業)

去食lunch，拣咗泰菜中最稳阵最大路嘅冬荫功米，谂住佢系俾泰式rice noodles，佢竟然系衬云南米线！味道完全唔夹，汤料仲有一两旧蟹柳，令我唔知自己食紧车仔面定谭仔，但车仔面同谭仔又冇佢咁贵啦！仲有杯热柠水得一片柠檬咁大把，人哋加落tap water嘅柠檬都多过佢。成间嘢又卖下叻沙，又卖下星厦，立立杂杂，唔系泰菜餐厅啰！最后我都冇食晒，D米线配冬荫功底真系好奇怪，而且个汤底都唔好味。就算落咗一堆雪藏海鲜，都因为系雪藏的增添唔到香味，而且香料亦唔足，食完好口渴，我怀疑𠮶D味来自味精。最后讲下服务，服务都差，入到去冇人带位要自己揾位。我明明得一个人坐，上菜个侍应都唔摆碗嘢喺我面前，而系pat喺长枱嘅一端，要我伸手R佢埋来。咁嘅服务唔值咁嘅价位仲要加埋一。总之呢间嘢我就唔会再去，想食泰菜宁愿行多两步去九龙城揾。