河內大娘越南餐廳 (已結業)

今晚喺尖沙咀同个客开会，完左个fd过黎一齐食饭，网上见有人讲有间越南野几好食，所以去试试。铺唔大，所以如果多人黎要预返啲时间等位。出菜位装修几有特色。怀旧红豆冰，红豆煲到好甜好香，再加上椰奶，饮落唔觉有加糖水，甜得黎又够滑又唔溜，值得一试。大娘真多冰，珍多切到细粒状，再加绿豆蓉，用饮管都好易饮。越式炸鱼饼，热辣辣出黎已经散出阵阵香味，食得出系自家制，又腍又够味。鸡丝米纸卷，手撕鸡肉，清清地又有肉味。黄金蒜香大海虾，有少少咸蛋味，加上蒜味，两种味道恰到好处。鲜茄酸辣檬粉，有鸡同扎肉，汤底饮到系煲左好耐蕃茄既酸味，酸酸辣辣几惹味。仲要一星期限1日发售，好好彩食到。黄金四季豆，出奇地好食，咸蛋只系当盐咁做调味料，所以佢唔会好浓烈但亦都有咸蛋既香味！