果子｜海南雞飯·喇沙摻摻 外賣專門店

营业中

休息中

收工经过依间果子外卖店，见价钱都几抵，就决定试吓啦。叫咗份招牌海鲜喇沙掺掺，加咗份小食香辣鱼饼，另外叫咗一份马来肉骨茶饭，加咗沙嗲鸡肉串。所有食物都好足料，性价比极高，海鲜喇沙入边有两只虾，蚬，豆卜，鸡蛋，鱼蛋，芽菜。面嘅份量都好足够，只虾食落都几新鲜，唔似用冰鲜急涷虾，所以我个人觉得呢间外卖店好有诚意。整体味道好啱我口味，食完唔会话好口渴嘅汤底，都唔会太辣，啱晒我呢啲平时净系食3小辣嘅人。马来西亚肉骨茶饭，亦都好多配料，药材味适中，灵魂食材豆卜索晒啲汁超入味，亦都有只鸡蛋，平时我食开肉骨茶好少见有鸡蛋，所以有啲惊喜。下次有机会都想试吓其他款，有啲便当都几吸引。整体嚟讲呢间都算高性价比，如果有得堂食都几好。